Kinder melkskommel

Ek het hierdie kinder melkskommel uitgedink met my kleinkinders se voorkeure en liefde vir alles wat sjokolade is. Hulle hou daarvan om te help met die voorbereiding van eetgoed dus het ek klein bakkies met lekkernye vir elkeen gegee sodat hulle self die melkskommels kon bou. Die bestanddele is genoeg vir 2 melkskommels. Jy kan egter byvoeg of wegvat soos die kleintjies daarvan hou.

kinder melkskommel

Jy het nodig

  • 500 mℓ volroom melk
  • Sjokolade kits poeier – milo, Nesquik
  • 20 gram baba pienk en wit malva lekkers
  • 4 sjokolade wafer koekies
  • 20 gram splinter sjokolade
  • Sjokolade stroop – die loperige soort verkieslik

So maak mens

  • Deel die melk in twee lang glase
  • Voeg 3 opgehoopte lepels van die sjokolade kits poeier by en laat die pret begin
  • Laat die kleintjies mal raak verder. Daar is geen orde of reëls nie.
  • Die sjokolade stroop kan onder in die glas gespuit word en ook bo-oor al die lekkerte
  • Gee vir elke kind ’n strooitjie en ’n lang lepel en sien die vreugde op die gesigte

Wenke

  • Lees eers die resep ordentlik voordat jy met ’n vaart wegspring
  • Let asb. op na die millimeters en gramme in die resep. Dit kan die verskil tussen sukses of flater wees.
  • Jy sal die kinders se held wees met hierdie melkskommel. Ja, daar sal sjokolade op die vloer wees, op hulle klere en joue. Wat maak dit saak? Daar is niks wat water en seep nie kan skoonmaak nie

Evaluering

Tien uit tien

Reis verder

  • Maak ’n draai in die Eetsalon vir nog resepte: voorgereg, ontbyt, hoofgereg, nagereg
  • Neem ’n  Kos toer na ’n ander land, resepteboek of kry les by ’n bekende Kok
  • Lees nog Kos stories en gesels saam.
  • Trein stories neem jou verder op reis met verhale oor treinritte
  • Teetyd kuiers is ’n kuier rubriek waar ons lekker gesels
  • Besoek ook Amanda Skrywer waar Amanda haar opinie gee oor aktuele sake
  • Die Naguil koerant verskyn maandeliks gratis en is ontspannende leesstof

Leave a Reply/Los 'n boodskap