Pizza rolle met brood is ’n goedkoop vinnige middagete vir honger kinders. Die beste van als is dat dit met brood gemaak word. So hier is die resep. Hierdie resep is genoeg vir 6 pizza rolle.
Jy het nodig
- 6 snye witbrood
- 100 mℓ gesmelte botter of margarien
- 50 mℓ mayonnaise
- 20 mℓ tamatiesous
- 250 mℓ gerasperde kaas (1 koppie)
- 6 snye ham
- Aromat
So maak mens
- Voorverhit oond op 180 C
- Sny die korsies van die brood af
- Rol die snye brood met ’n koekroller
- Meng die mayonnaise en tamatiesous en smeer die brood daarmee
- Plaas ’n sny ham op elke sny brood
- Strooi gerasperde kaas op
- Rol die snye op en plaas op ’n gesmeerde bakplaat met die las na onder
- Smeer elke pizza rol met die gesmelte botter
- Strooi Aromat op elke pizza rol
- Bak in oond tot goudbruin
- Bedien warm
Wenke
- Lees eers die resep ordentlik voordat jy met ’n vaart wegspring
- Let asb. op na die millimeters en gramme in die resep. Dit kan die verskil tussen sukses of flater wees.
- Vervang die vulsel met iets anders soos hoender of oorskiet braaivleis
Evaluering
Wat ’n lekkerte vir jonk en oud!
Reis verder
- Maak ’n draai in die Eetsalon vir nog resepte
- Besoek stories – trein, kos, kombuis en reis stories
- Besoek ook Amanda Skrywer waar Amanda haar opinie gee oor aktuele sake
- Teetyd kuiers is ’n kuier rubriek waar ons lekker gesels
- Die Naguil koerant verskyn maandeliks gratis en is ontspannende leesstof
